تهت فى الصحرا قبل كده؟!
طيب
تهت فى حياتك قبل كده؟
فى
شغلك.. فى علاقاتاك.. فى تحديد مستقبلك؟ احترت و ما بقتش عارف تكمل فى أى اتجاه!
فى
فكرة بسيطة عملها الفرنسيين اثناء احتلالهم للجزائر، علشان يعدوا الصحراء الكبرى
بدون ما يتوهوا...
فى
الصحراء بين الواحة و التانية... كانوا بيحطوا برميل اسود عند مرمى البصر... اما
توصل له تلاقى برميل اسود تانى عند مرمى البصر...
و
هكذا... برميل ورا برميل فى قلب الصحراء لحد ما توصل للواحة التانية... لحد ما
توصل لهدفك...
بنفس
الفكرة... و علشان ما تفقدش الطريق فى حياتك و انت بتدور على أحلامك و اهدافك
البعيدة... حط
"براميل" تعرفك الطريق... تعرفك انك ماشى فى الاتجاه السليم، مهما قامت
العواصف من حواليك...
حدد
خطوات زمنية.. و أهداف مرحلية... تاخدك واحدة واحدة لأهدافك البعيدة...
حتى
لو عطلتك مشاكل و تحديات الحياة ... تفضل عارف الخطوة الجاية فين...
يالا... جاوب بينك و بين نفسك...
ايه "البرميل" اللى لازم توصل له الشهر ده...
أو نقول الـ 6 شهور الجايين...
علشان تحقق اهدافك السنة ده؟؟
كفاية براميل دكتور محمد عايزين نوصل بقى هههههههه
ReplyDeleteدعواتك ليا
رد عسل بصراحة :)))
Deleteفي وقتها تماما شكرا جزيلا دكتور محمد
ReplyDeletejust in time dr mohamed thanks
ReplyDeleteThanks Israa.
DeleteWishing u the best.
أشكرك عرض هائل لتخطيط و تتابع الاهداف واتمنى يكون الناس كلها بتعمل كده
ReplyDeleteشكرا للمتابعة
Deleteو تمنياتى بتحقيق اهدافك القريبة و البعيدة
قبل ما يوصل الميل ده كنت حاسس بالتوهان وبسال نفسي ايه الخطوه القادمه - فعلا مع كل سؤال بجد الرد يوم الاحد شكرا عزيزي
ReplyDeleteحبيبى يا محمد
Deleteتمنياتى لك بتحقيق البرميل القادم بسرعة :)
جميله
ReplyDeleteشكرا وفاء العزيزة
Deleteنفسى احقق التارجت السنادى قبل ما اموت :D
ReplyDelete:)
Deleteان شاء الله محققاه يا مروة
ياااااااااااااااارب يادكتور :D
Delete